it's me ainil

Naskah Drama Siti Nurbaya dalam Bahasa Minang

KIRO-KIRO JAM SATU PATANG HARI, TAMPAKLAH 2 URANG ANAK MUDO BAJALAN PULANG SAKOLAH. NAN LAKI-LAKI BANAMO SAMSUL BAHRI, ANAK MANDEH ZULAIKA BANGSAWAN DIPADANG. BUNDO KANDUANG NAN SANGAIK DISAGANI JO DIHORMATI PANDUDUAK SAKITAR. NAN PADUSI BANAMO SITI NURBAYA, ANAK MANDEH AMINAH, SAUDAGAR KAYO. SITI NURBAYA MERUPAKAN ANAK TONGGA KALUARGA KAYO RAYO TU.
NUR     : Jadi juo engkau pai ka jakarta sam?
SAM    : Insyaallah jadi, painyo mungkin tigo hari lai nur…
NUR     : Ingin bana engkau malanjuikan sakolah disitu sam?
SAM    : Iyo nur, ambo ingin malanjuikan sakolah dokter di situ. Marilah kito pulang lai, harilah samakin sanjo
SABAGAIMANO UMUMNYO KAHIDUPAN BATATANGGO, HUBUNGAN ANTARO KALUARGA MANDEH ZULAIKA JO MANDEH AMINAH BAJALAN ELOK. BAITU PULO ANAK-ANAKNYO, SAJAK KETEK SAMPAI LAH GADANG ANAK BADUO TU BAKAWAN AREK. APOLAI KADUONYO SAMO BARAJA DITAMPEK YANG SAMO. HUBUNGAN KADUONYA BAKAMBANG MANJADI CINTO SAIRIANG BAJALANNYO WAKTU. JALINAN CINTO KO SANGAIK DI RESTUI DEK KELUARGA KADUONYO DEK MEREKA MASIH PUNYO HUBUNGAN KEKERABATAN. TAPI SAYANGNYO RASO CINTO KO BARU DISADARI KATIKO SAMSUL LAH KA BARANGKEK KA JAKARTA UNTUAK BASIKOLAH.
TIGO HARI KAMUDIAN, DITALUAK BAYUA
NUR     : Lah siapkah engkau sam?
SAM    : Engkau ndak tau isi hati ambo kini, nur.
NUR     : Pikiran apo pulo tu?
SAM    : Nurbaya, karano biko ambo ka maninggalkan padang ko, ka pai ka rantau urang, ntah kabaliak antah kok ka tidak, ikolah waktunyo ambo mambukak rahasio hati ambo, katahuilah nur, ambo sangaik cinto kapado engkau. Cinto lah lamo ambo andokan dalam hati, kini baru barani ambo kaluakan, karano pado kironyo, rahasio itu lah harus engkau katahui sabalum ambo pai ka rantau urang.
TADIAMLAH SITI NURBAYA SAMBIA MANUNDUAKAN KAPALONYO, NDAK BISA BAKATO-KATO
SAM                            : Sudikah engkau manjadi istri ambo, kok ambo lah bapangkek dokter?
NUR                             : Dengan sanag hati ambo tarimo
MANDEH ZULAIKA   : Samsulbahri.. capeklah engkau kabarangkek lai
SAM                            : Iyo mandeh
MANDEH ZULAIKA   : Lai indak ado barang nan tatingga?
SAM                            : Alah ambo baok mandeh
MANDEH ZULAIKA   : Pitih untuak balanjo alah engkau simpan elok-elok?
SAM                            : Alah mandeh
MANDEH ZULAIKA   : Ingek-ingek awak dinagari urang nak, pandai-pandai mambaokan diri
SAM                            : Iyo mandeh, akan sam kana pasan mandeh ko
SAM                            : Mandeh, ambo barangkek ka nagari urang untuak mangaja cito-cito ambo lai
MANDEH AMINAH    : Iyo nak, elok-elok engkau disitu, kok baraja iyo sabana-bana baraja, jan sampai bahura-hura indak bakatantuan
SAM                            : Iyo mandeh, ambo titip nur mandeh
NDAK TABAYANGKAN BARA KASADIAHANNYO SAMSUL BAHRI YANG HARUS MANINGGAKAN SITI NURBAYA. AIA MATO SITI NURBAYA BALINANG MAMBASAHI PIPI DISAAT MALAPEH SAMSULBAHRI DI PELABUHAN TALUAK BAYUA. SALIANG BAKIRIM SUREK CINTO ADOLAH PANGUBEK RINDU INYO BADUO
SAM                            : Ingek-ingek manjago diri. Jikok ado apo-apo lakeh tulis surek kapado ambo. Tarimolah tando mato dari ambo, nur. Jagolah tando mato dari ambo untuak engkau.
NUR                             : Ambo sangaik batarimo kasih kapado engkau, sam. Ambo mangucapkan salamaik jalan kapado engkau. Samoga dilindungi tuhan engkau dalam perjalanan ka nagari urang, pulang baliak, jo sampailah juo makasuik yang kau tuju, supayo pabilo engkau lah ado pulo disiko bukannyo samsul namo engkau lai, tapi lah dapek ambo panggia dokter samsu
SAM                            : Tarimo kasih nur. Salamaik tingga mandeh zulaika, mandeh aminah, nur. Mudah-mudahan lakeh batamu
MANDEH ZULAIKA   : Salamaik tingga nak, elok-elok dinagari urang
NUR                             : Salamaik jalan sam…. Salamaik sampai jakarta
SAMANTARO ITU, DATUAK MARINGGIH SALAH SAURANG SAUDAGAR KAYO DIPADANG, BARUSAHO MANJATUAHKAN KEDUDUKAN MANDEH AMINAH. INYO MENGANGGAP MANDEH AMINAH SEBAGAI SAINGAN YANG HARUS DISINGKIRKAN, DISAMPIANG RASO IRI HATINYO MANCALIAK HARATO KAKAYOAN KALUARGA SITI NURBAYA TU.
DATUAK MARINGGIH          : Aku sesungguhnya indak sanang maliek perniagaan si aminah. Samakin hari samakin batambah maju, sahinggo barini inyo basaiang jo ambo. Sabab tu, hendaklah baliau dijatuahkan
ANAK BUAH                           : Tapi baa ak kito? Karano barang-barangnyo ndak saketek, ndak dapek diangkek dalam duo hari, diambiak saparuhpun ndakkan taraso.
DATUAK MARINGGIH          : Bukan ambo suruah engkau mancuri karano bara yang katabao oleh engkau, ambo ndak bodoh! Ambo tau aka nan labiah baiak, yaitu gudang-gudang jo toko-tokonyo harus dibaka, parahu yang mambao barang-barangnyo dari painan harus ditanggalamkan jo urang-urang nan ado disitu harus dibujuak supayo jan amuah bakarajo jo baliau lai.
ANAK BUAH                           : Jadih datuak
DATUAK MARINGGIH          : Ambo ndak sanang kalau dipadang ko masih ado saudagar yang barani basaiang jo mabo. Sabalum jatuah inyo, alun pueh hati ambo. Kau buliah mamakai pitih sabara suko, tu buliah pulo manyuruah urang-urang ambo, kalu paralu
ANAK BUAH                           : Baiaklah datuak, jangankan sagitu, disuruah mambunuah urang sanagari pun hamba amuah, asal datuak yang manyuruah.
AKA BUSUAK DATUAK MARINGGIH BERHASIL. MANDEH AMINAH KINI JATUAH MISKIN. TAPI SAJAUAHTU, BALIAU ALUN MANYADARI BAHASO SASUNGGUAHNYO KEJATUHAN TU AKIBAT PERBUATAN LICIK DATUAK MARINGGIH. SABAB TU TANPA PRASANGKO APO-APO, BALIAU MAMINJAM PITIH KA URANG NAN SABANANYO KA BABUEK JAEK KA MANDEH AMINAH TU.
MANDEH AMINAH                : Datuak maringgih, kok dapek ambo mamintak tolong, buliahkah ambo manyalang pitih agak sagetek untuak mambali bareh jo mambiayai sakolah si siti nurbaya?
DATUAK MARINGGIH          : Jikok ambo pinjamkan ka engkau, lai amuah engkau manuruikan syarat ambo?
MANDEH AMINAH                : Jadih datuak, kok buliah tau apo syarat yang engkau agiahan tu?
DATUAK MARINGGIH          : Yang pertamo engkau harus mambaliakan pitih ko dalam 3 bulan, tu jikok ndak dapek engkau mambayianyo engakau harus ambo bao engkau ka tansi sarato ambo sita rumah jo harato engkau.
MANDEH AMINAH                : Baiaklah datuak, ambo tarimo syarat tu
DATUAK MATINGGIH          : Ko pitih yang engkau minta
MANDEH AMINAH                : Tarimo kasih datuak, ambo pulang lai
PADO SAAT NAN ALAH DITENTUKAN, DATUAK MARINGGIH PUN TIBO MANAGIAH HUTANG KA MANDEH AMINAH
DATUAK MARINGGIH          : Ambo tibo untuak managiah hutang kapado mandeh aminah
MADEH AMINAH                   : Ndak dapek ambo mambayia hutang tu
DATUAK MARINGGIH          : Ndak dapek engkau mambayia hutangtu? Sadangkan engkau alah bajanji 3 bulan malunasinyo? Atau barikan anak engkau si siti kapado ambo
MANDEH AMINAH                : Anak ambo, siti nurbaya ndak dapek pulo ambo barikan kapado engkau karano lah dalam pinangan samsul bahri.
DATUAK MARINGGIH          : Si samsul yang basikolah ka Jakarta tu?
MANDEH AMINAH                : Iyo datuak
DATUAK MARINGGIH          : Kalau baitu jo barek hati ambo harus bao engkau ka tansi jo ambo harus manyita rumah sarato harato kalian
NUR                                         : Mndeh ambo jan dibao ka tansi! Biarlah ambo manjadi istri datuak maringgih
SAMSULBAHRI MANDANGA PARISTIWA YANG MANIMPO SITI NURBAYA LEWAT SUREK YANG DIKIRIMKAN SITI NURBAYA KA JAKARTA. KARANO LIBUR, SAMSULBAHRI PULANG UNTUAK MALAPEH TARAGAK JO KALUARGONYO DIPADANG.
MANDEH ZULAIKA   : Baa kaba engkau sam?
SAM                            : Kaba baiak mandeh, sakik apo mandeh aminah, mandeh?
MANDEH ZULAIKA   : Damam jo sakik kapalo sajak ditimpa musibah karano datuak maringgih, pail ah engkau caliak karumahnyo agak sabnta
SAM                            : Baiaklah mandeh, ambo barangkek karumah mandeh aminah lai, assalamu’alaikum
MANDEH ZULAIKA   : Wa’alaikumsalam………..
KABATULAN, SITI NURBAYA SADANG DIRUMAH. NDAK SINGAJO SITI NURBAYA BATAMU JO SAMSUL BAHRI. KADUONYO SALIANG BACARITO PANGALAMAN MASIANG-MASIANG
SAM    :Alah lamo ambo indak bacarito-carito jo engkau nur, baa kaba engkau kini?
NUR     : Alhamdulillah baiak sam, baa sakolah engkau disitu?
SAM    : Sajauah ko lai lancar-lancar sajo, hiduik dinagari urang babeda jo yang ambo rasokan disiko. Baa kaba mandeh aminah?
NUR     : Samanjak kajadian tu mandeh lah acok sakik-sakik se kini
KATIKO SADANG ASIK BACARITO, TIBOLAH DATUAK MARINGGIH  YANG SALALU BAPRASANGKO BURUAK TU. DATUAK MARINGGIH MANUDUAH KADUO URANG TU, BABUEK YANG INDAK ELOK
DATUAK MARINGGIH          : Bukannyo manjago mandeh engkau, tapi malah baduo-duo jo urang yang tapelajar ko?
SAM                                        : Tak paralu engkau bakato baitu! Bacaminlah engkau kabadan surang! Adokah patuah ka adat? Kok ado ibilih yang sajaek jaeknyo diateh duniako, tantulah engkau ibilih tu!
MANDEH AMINAH                : Ado apo tu ribuik-ribuik?
KAMUDIAN JATUAH DARI KURSI
NUR     : Mandehhhh
KAMUDIAN MANANGIH MARAUANG-RAUANG, MANDEH ZULAIKA YANG KA PAI MANCALIAK MANDEH AMINAH KA RUMAHNYO TAKAJUIK MANDANG SITI NURBAYA MARAUANG- RAUANG
MANDEH ZULAIKA               : Ado apo siti?
NUR                                         : Mandeh siti indak ado lai
MANDEH ZULAIKA               : Apo sabab sadoalahnyo ko?
DATUAK MARINGGIH          : Anak engkau yang kiceknyo tapelajar ko bukannyo mancaliak mandeh aminah yang sadang sakik tapi malah baduo-duo jo calon bini ambo ko, bisa jo itu yang disabuik terpelajar?
SAM                                        : Jahanam! Ingek umua datuak! Pikiakan doso nan ka engkau tangguang, ingek juo bantuak engkau, hendak mamintak nurbaya jadi bini engkau, jo hantu patutnyo engkau kawin
MANDEH ZULAIKA               : Diam samsul! Parbuatan engkau sangaiaklah mambuek mandeh malu, parbuatan tu bukanlah parbuatan orang babangso, anak urang bapangkek tinggi, urang yang terpelajar, melainkan pekerjaan urang hino. Yang ndak tau adat jo kalakuan elok. Ikokah buah pelajaran yang engkau ambiak dari sakolah engkau tu? Kesalahan engkau ndak dapek ambo ampuni, karano sangaik mambari aib. Pailah kau dari siko! Sabab ambo ndak akan mangakui engkau lai! Yang babuek damikian bukanlah anak ambo!!!
SAMANTARO SITI NURBAYA SAJAK MANDEHNYO MANINGGA, MARASO ALAH BEBAS DAN INDAK PARALU LAI TUNDUAK JO DATUAK MARINGGIH. TANYATO IKUA PAMASALAHANNYO NDAK SAMPAI DISITU. MANDEH ZULAIKA MALU ATEH TUDUAHAN YANG DITIMPOKAN KAPADO ANAKNYO, MAUSIA SAMSUL BAHRI. ANAK MUDO TU TAPASO BALIAK KA JAKARTA, SITI NURBAYA BAMAKSUD MANYUSUL SAMSUL BAHRI KA JAKARTA. NAMUN, AKIBAT TIPU MUSLIHAT DATUAK MARINGGIH, SITI NURBAYA MANINGGA DEK DI RACUN DEK DATUAK MARINGGIH
DATUAK MARINGGIH          : Ambo indak suko mancaliak siti nurbaya bersatu jo si samsulbahri nan ka manjadi dokter tu, engkau agiahkan racun ko ka dalam makanan si siti nurbaya ko! Iko parintah dari ambo!
ANAK BUAH                           : Baiaklah datuak, akan ambo karajokan kini ko jo
SAKALI KO PARBUATAN DATUAK MARINGGIH BERHASIL. SITI NURBAYA MANINGGA KARANO KERACNAN. BARITO KAMATIAN ITI NURBAY SAMPAIKA JAKARTA, MAMBUEK SAMSUL BAHRI SADIAH, SAPANINGGA SITI NURBAYA
SAPULUAH TAHUN BERLALU, SAMSUL BAHRI KINI LAH MANJADI SERDADU KOMPENI JO PANGKEK LETNAN. KINI INYO LABIAH DIKENAL JONAMO LETNAN MAS. SABANANYO, SAMSUL BAHRI MANJADI SERDADU KOMPENI BUKAN INGIN MENGABDI KAPADO KOMPENI, MELAINKAN RASO FRUSTASINYO MANDANGA URANG YANG DICINTOINYO LAH PAI
SAAT TERJADI TRAGEDI BALESTING (SAUDAGAR PRIBUMI NDAK AMUAH MAMBAYIA UPETI DIBAWAH PIMPINAN DATUAK MARINGGIH), DIKIRMLAH LETNAN MAS OLEH KOMPENI KA PADANG UNTUAK MANUMPEH PARA PAMBANGKANG BALESTING
DATUAK MARINGGIH          : Untuak apo engkau pulang baliak kamari? Bukannyo engkau lah di usia dek mandeh engkau?
SAMSUL BAHRI                    : Ambo dikirim kompeni untuak mamintak engkau baranti malakukan balesting
DATUAK MARINGGIH          : Memang balando ndak buliah dipicayoi. Bicaronyo puta baliak. Lidah kaliang
LETNAN MAS                        : Sapanjang pandangaran ambo, pitih tu ka dipagunoan untuak kaparaluan kito juo
DATUAK MRINGGIH : Kaparaluan apo?
LETNAN MAS                        : Pambuek jalan, rumah-rumah sekolah misalnyo
DATUAK MARINGGIH          : Untuak sia jalan nan elok tu? Untuak mereka atau untuak kito? Kito ndak paralu jalan elok, tapi ndak amuah jalan buruak. Sabab tu disuruahnyo kito mambuek jalan untuak inyo. Lawan sajo!!!
LETNAN MAS                        : Malawan tu mudah asa hati sungguah barani dan parkakas cukuik
TAJADILAH PAPARANGAN CIEK LAWAN CIEK ANTARO DATUAK MARINGGIH JO LETNAN MAS. . AKHIA CARITO LETNAN MAS YANG TAK LAIN ADOLAH SAMSULBAHRI TEWAS DI UJUANG PEDANG DATUAK MARINGGIH, BASAMOAN JO DATUAK MARINGGIH YANG JATUAH KARANO DITEMBAK LETNAN MAS.
^^


Oleh : Ainil Huda dan Hafizhah Mayang S.

Poskan Komentar